Märgotus

Helüaida 20. märgotus (23.09.2021). Lavastaja Taago Tubin märgotas sändse nättüse üle nigu elo(stiili)nõvvoandminõ. Nõvvoandja käkvä hinnäst esi nimetüisi taadõ, näütüses mõttõga elo koots, esihindä edendämise koots vai kogoni tiidlikkusõ meistre… A õhku jääs küsümüs: kas seo iks om paradiis, midä meile pakutas ja müvväs? Uman lehen ilmunu artikli „Kootsitu elo“. Foto: Heigo Teder.

Helüaida 19. märgotus (09.09.2021). Elo häädümise üle märkjä Kübärä Kristi märgotas aotlidsõst elost. Tä kõnõlõs noist viimätsil aigõl ärlännü luujist, kiä timä ello kõvva mõotanu omma. Ekäütte noist olõmi mi just nigu igäväste uma elo osas pidänü. A sõs äkki näid inämb ei olõ… Kas taa om märk hindä vanassaamisõst? Uman lehen ilmunu artikli „Hüväste, […]

Helüaida 18. märgotus (26.08.2021). Võrokõsõst tarkusõarmastaja Visseli Agu usk, et kõnõlõmisõst ja kullõmisõst om saaman väikeisi kultuurõ kuld, hõpõ ja nahvta. Noid kunstõ tulõ kunstmõistusõ ja kirä kõrval kõvastõ hoita. Selle et õnnõ virga vaimuga väiku kultuuri, kiä opva är kõnõlõmisõ ja tähelepandmisõ väe, jääse ello. Uman lehen ilmunu artikli „Toruplatsi Platoni akadeemiä“. Foto om […]

Helüaida 17. märgotus (12.08.2021). Rahvamuusik, oppaja ja Talna tandsoklubi pernaanõ Barbo Leanne märgotas muusigu elost pallo muutuisi üten toonu koroona-aol. Tä näge sääl pallo häid külgi, a jõud lõpus õks vällä tuuni, et peris kõkkõ ello ekraani takan är ellä ei jõvva. Foto: Liina Lelov. Uman lehen ilmunu artikli „Tervet ello ei jõvva ekraani takan […]

Helüaida 16. märgotus (29.07.2021). Julgõolõgiasjatundja ni kirämehe Koorti Erkki põnnõv märgotus köüt kokko arotusõ korruptsioonist ja vällämõtõld, a aoluulist tausta rehkendävä luu Võro liina luumisõst. Foto: Jan Rahman. Uman lehen ilmunu artikli “Kas liin sai siiäkotsilõ meelehää iist?”

Helüaida 15. märgotus (15.07.2021). Kirä- ja huumorimiis Tootseni Toivo märgotas umast henge paigast. Süämest tulnuidõ sõnnuga kitt Tootseni Toivo umma kodokotust Rõugõt. Tä löüd, et egäl inemisel om olõman uma periskodo, henge kotus, kon inemine hinnäst häste tund. Ku elo meid vaihtõpääl ka muialõ kuts, sõs tuu kotus om nii võimas, et jääs kodos ka […]

Helüaida 14. märgotus (01.07.2021). Permaaia pidäjä Guerrin’ Triinu märgotas aiapidämisest. Tä arotas, mändse omma sagõhõmpa ettetulõva mõttõmustri, miä inemiisi aiapidämise plaanõ sekässe. Tä jaga ka paari lihtsät tõtõ, minkaga värski aiapidäjä piässi arvõstama. Uman lehen ilmunu artikli „Aiaga piät iks aigu olõma“. Foto: Andres Teiss.  

Helüaida 13. märgotus (17.06.2021). Vana võrokõnõ Elleri Kalle märgotas põlitsist rahvist. Om perämäne aig kokko korjada niipallo umma põlist tiidmist ku võimalik. Eller kõnõlõs mitu uskmalda luku, miä õnnõ tuu tarkusõ peräst juhtuda saiva. Märgotus om pühendedü Tartun 2021. aastaga piimäkuun toimuvale Soomõ-Ugri rahvidõ maailmakongressile ja taa perrä om kirotõdu Uma Lehe artikli „Põlitsidõ rahvidõ […]

Helüaida 12. märgotus (03.06.2021). Muusigaoppaja ja koorijuht Otsari Silja märgotas koorilaulust ja laulmisõst laembalt ja härgütäs kõiki inämb laulma umahindä ni ka tõisi tervüses ja meelehääs. Uman lehen ilmunu artikli „Laul om tervüses!“ Foto: Jan Rahman.

Helüaida 11. märgotus (20.05.2021). Mittetulundusütisüse Vana-Võromaa Käsitüü iistvidäjä Oja Vilve ütles, et ostja hindas käsitüü man kõgõ inämb tuud, et egä käsitüüasi om esieräline. Ta kõnõlõs käsitüüliisist ja tuust, kuis käsitüü mi egäpääväello rikkambas tege. Uman Lehen ilmunu artikli „Egä käsitüü om ainuline“. Foto: eräkogo.