Märgotus

Helüaida 10. märgotus (06.05.2021). Võrokõsõst ilmahulgus ja reisijuht Ulvi Mustmaa kõnõlõs, et massa-i kurvasta tuuperäst, et välämaal käümine parlatsil aigõl küländ võimalda om – ka Eestimaa om täüs avastamalda ja nägemäldä kotussit, midä mass kaema minnä. Uman Lehen ilmunu artikli “Kül tsiga tsolgi löüd!” Foto: Jan Rahman.

Helüaida 9. märgotus (04.05.2021). Kultuurikõrraldaja ja võrokeelitside latsi imä Triinu Laan küsüs uman märgotusõn, kas mi põlvkund om perämäne, kinkal om võro kiilt vaia? Tä ütles, et võro kiil om ku tuulõlohe nüür, miä lask mi latsil ello korgõst ja kavvõst kaia suurõilma tuulõ käen häössihe minemlädä. Uman Lehen 27.08.2020 ilmunu artikli “Võrokõsõ keelemüüdi”. Foto: […]

Helüaida 8. märgotus (22.04.2021). Võrokõsõst kultuurijuht ja mõtsasõbõr Heiki Kelp murõhtas uman märgotusõn, kas saias arvo, et mõts om üts noist vähätsist väärtüisist, miä om mi kõigi paopaik, mi püsümäjäämise ja kultuuri kattõvara? Uman Lehen ilmunu artikli “Mõts ja kultuur”. Foto: Jan Rahman.

Helüaida 7. märgotus (08.04.2021). Vana võrokõnõ Elleri Kalle arotas võrokõisi ja setodõ piiriküsümüisi üle. Tä näütäs, kupallo om võrokõisil ja setodel ütist ja tund rõõmu, et joba mõnt aigo om olõman Setomaa vald ja uut, et ka Vana-Võromaa võissi kunagi kõgõ tävvega üten piirin olla. A vaihõpääl võissi panda Setomaa valla piiri vasta Võromaad sinnä, […]

Helüaida 6. märgotus (29.03.2021). Harglõ kandi võrokõnõ, Paju pansionaatõ teenüsside arõndusjuht Monika Rogenbaum kõnõlõs umast kogõmusõst, kuis toimõ tulla, ku suurõmb osa hoolõkodo elänigõst ja tüütäjist koroonatõppõ jääs ja midä taast oppi om. Eesti keelen ilmu taa lugu Lõuna-Eesti Postimehen (10.03.2021). Foto om peri eräkogost.

Helüaida 5. märgotus (25.03.2021). Võrokõsõst sotsiaalpedaguug, harrastusnäütlejä ja kogokunnatiatri vidäjä Saarõ Iiri märgotas tuust, et eestläse omma tiatrirahvas. Tiatri om jo päält saa aastaga avitanu mi inemiisil unõhta päävätüü rasõhust ja luvva ni unista. Taad ei tii tühäs ka tuu, ku jo tõist aastakka kesk tiatrikuud kõik riigi tiatri kinni pantas. Uman Lehen ilmunu artikli […]

Helüaida 4. märgotus (11.03.2021). Võrokõsõst matõmaatigaprofesri Halleri Rainis kõnõlõs, kuis lõpueksämi avitasõ hoita Eesti kooliharidusõ egäl puul ütesugumast hääd tasõt. Ilosalõ luudusõlõ lisas om Eesti kõgõ suurõmb varandus koolitõdu inemise ja latsi tulõ härgütä hindä harimisõs vaiva nägemä. Uman Lehen ilmunu artikli “Lõpueksämi omma kooliharidusõ osa”. Foto om peri eräkogost.

Helüaida 3. märgotus (25.02.2021). Võrokõsõst füsioterapeut Lõhmussõ Aira kõnõlõs, midä tä Hispaanian praktigal kävven tähele pandsõ ja võrdlõs Eesti ja Hispaania ello. Tõsõl maal ellen ja ello vallaliidsi silmiga kaiõn saa uma oppusõ kergehe kätte. Uman Lehen ilmunu artikli “Mu oppusõ Hispaanian”. Foto: Aive Urberg.

Helüaida 2. märgotus (11.02.2021). Võrokõsõst ilmatiidläne Pedassaare Ele kõnõlõs ummamuudu liina ummamuudu kliimast. Saami teedä, mändse Eesti ilmarekordi omma Võro liina käen ja kuulõmi, kas võrokõsõ ka edespite kõrraliidsi lumõga talvi nägevä. Uman Lehen ilmunu artikli “Ummamuudu liina kliima”. Foto om peri Pedassaare Ele eräkogost.

Helüaida 1. märgotus (28.01.2021). Võrokõsõst filmirežissüür ja söögipästjä Anna Hints kõnõlõs ullist söögiraiskamisõst, miä häötäs maailma. Anna Hints om Tarto söögipästjide kogokunna liigõ ja om tennü tuust dokfilmi „Homme saabub paradiis“ (2020). Filmi saa kaia Eesti Rahvusringhäälingu veebilehelt. Uman Lehen ilmunu artikli “Pästä uhkõlõ süüki!” Foto Anna Hintsist: Robin Roots.