Suurilõ

Võro muusiga- ja kirämehe Pulga Jaani 75. sünnüpääväs (27.11.2022) avaldas Helüait mälestüisiluu „Varstu”, miä kõnõlõs timä kodoalõvikust. Uma Lehen ilmu jutt järejutuna 2021. aastal, Helüaida jaos lugi autor esi luu sisse 15. märtekuul 2022. aastal. Foto: Rahmani Jan.

Tuul Sepä „Lättehoitja“ (eesti keeli „Allikahaldjas”, Varrak 2019) om fantaasiaraamat, mink tegeläse ja johtumisõ peräkõrd ei olõki nii uskmalda ja ulmõlidsõ. Lätte omma mi rahvajutõn suurõ tähendüsega. Päätegeläisi Hõpõ ja Kaarna abiga saa kullõja tutvas Unõhtusõmaailma hingeliisiga: Suurõ Tõllu, Halltõbõ, Puugi, Essütäjä, Kaonäksi, dinosauruisi ja neandõrtaallaisiga ni viil pallodõ tõisiga. Raamadu pand võro kiilde Kalla […]

Kauksi Ülle 60. hällüpäävä avvus saa Helüaidast kullõlda luulõkimpu, kon om 26 luulõtust elost, inemiisist, mineväst, tulõvast, olõvast, kõgõst, miä henge pututas ja süämen tukskõlõs. Värsi omma Kauksi Ülle perämädse kümne aasta luulõkogodõst „Palunõiaq“ (Seto Ateljee Galerii 2012), „ObiNizza“ (Ji st Jumalikud Ilmutused 2017), „Paralleeluniversum“ (Seto Ateljee Galerii 2019), „Seto ikebana“ (Seto Ateljee Galerii 2021) […]

„Üülaul“ om 2018. aastal alostanu folkpunk perreandsambli Baaba ja Ka 2022. aastal vällä ant helüplaat (Seto Ateljee Galerii MTÜ), kon Kauksi Ülle ja Riitsaarõ Evar esitäse Kauksi Ülle tekste pääle tettü laulõ. Kaasõpildis om Riitsaarõ Evari maali „Üü“ kujundanu Harri A. Sundell. Viie, sätüngi, karmoška, laul: Evar Riitsaar Lauluteksti, laul: Kauksi Ülle Lüükpilli: Olavi Aida […]

Maailman om häste teedä, et latsilõ om vaia muinasjuttõ, ja ku lats noid viil esi lukõ mõista-i, sõs tulõ suuril noid latsõlõ kõnõlda vai ette lukõ. Muinasjutu avitasõ arvo saia hääst ja halvast, ilmast ni inemiisist, andva huugu ettekujotamisõlõ, oppasõ umma kiilt laembalt tarvitama ja viil pall´o muud. Tuuperäst omgi Helüaidan no üllen 30 muinasjuttu […]

Põlinõ võrokõnõ Korneli Viiu pand luulõhe kõik, miä ilman sünnüs ja henge pututas. Värses omma saanu nii tõsidsõ teemä, nigu Ukraina sõda, eelekrihind, mõtsaragominõ ja koroona, ku ka elo ja inemise ummi rõõmõ ja hätiga. Ku võimalik, omma luulõtusõ iks viguridõga ja läbi nal´a. „Nigu hobõsõlõ kaaru, inemisel vaia naaru. Et elovangõrd keremb olõs vitä, […]

Jaan Vahtra (23. mai 1882 – 27. jaanuar 1947) om innekõkkõ tunnõt ku kunstnik, a timä tähtsüs võro kiränikuna om niisamatõ suur. Päämädselt kirot tä mälehtüisi ja perimüslikke juttõ, a ka rahvanalandit ja publitsistikat. Vahtra looming and häste edesi timäaigsõ elo ni inemiisi loomust ja sündmüisi ni om väärt ja põnnõv matõrjal olõvidõ ja tulõvidõ […]

Navilt peri tiidüsfilosoof ja astrofüüsik Kasagu Enn om kirotanu mitmit võrokiilsit juttõ, üles astnu Kaika suvõülikoolõn ja vällä märknü pallo vahtsit sõnno võro kiilde. Osa noist sõnnost ilmuva „Lühkesen võro-eesti loodusõtsäpendämise sõnastigun“, miä om tunnõt ku edimäne võrokiilne eräalasõnastu. Aastil 1995–1997 oll Kasagu Enn Võro Instituudi direktri ja 2018. aastagast om tä Tarto Ülikooli usotiidüskunna […]

Juhan Jaik (1899–1948) om võro kiränik, kinka mõjo nii eesti- ku ka võrokiilsele kirändüsele om väega suur. Kirotanu ka võrokiilsit luulõtuisi, om Jaik sõski innekõkkõ võro proosa klassik, jutussidõ luuja, rahvaperimüse edesiandja. Timä 13. jaanuaril 2022 olnu 123. sünnüaastapäävä puhul saa Helüaidan kullõlda kattõ luulõtust ja säidset juttu, miä omma peri kogomigust „Valgõ kivi“ (Võro […]

Padari Ivari, kiä om jõulukuul 2021 võro keele iistkõnõlõja, üleskutsõlõ vahtsit võrokiilsit jõulusalmõ kirota vastas 19 autorit. Kokko saadõti konkursilõ 64 luulõtust. Hindamiskogo, kon olli Kalkuna Mari, Padari Ivar ja Rahmani Jan, kuulut vällä võitja. 1. kotus: Ene Säinast „Viil hämmär om päiv ja pümme om üü“ 2. kotus: Mariko Faster „Jõuluhani“ 3. kotus: Kaja […]