Suurilõ

Kadri Ugur, Senni-tädi juttõ kirjapandja ja Helüaita lugõja (2021), kõnõlõs noist nii: „Senni oll mu vanatädi, mu imäle oll tä tädi. Üts lõpmada kangõ mutt oll sjoo Senni-tädi, elli tävveverelist ello ja opas tuud nuurilõ kah. Senni kõrval oll kõgõ sääne tunnõ, et olt nigu puss mõskmada villu sehen: olõ-õi istmist ei astmist, julgust ei […]

“Kodoväreti’” om Johannes Siska luulõkogo (Võro Instituut 2008), mink 19 luulõtusõst 17 omma võro keelen. Johannes Siska (1913-1973) oll luulõtaja ja meremiis, kiä oll peri Rõugõ valla Hinu küläst. Lugõ Agur Seim (2021). Kaas: Diana Allas.

Mati Kalkuni (1941-2014) 80. sünnüaastapääväs pand Helüait vällä kolm juttu timä Umalõ Lehele saadõtust võrokeelitsest jutuvarast. Kalkuna Mati oll ütekõrraga opnu (ao)kiränik ku lihtsä külämiis, ni ka kõrraldaja ja filosoof, kink jutõst tull vällä hariligu inemise sükäv siseilm. Hää nali käve õks kõgõ asja mano. Tuu man jäi miis esi aga tõsitsõs ja välläpeetüs. Lugõ […]

Kalju Ahvena (1921-1946) 100. sünnüaastapääväs pand Helüait üles mõnõ timä ja tä vele Lembitu luulõtusõ kogost „Kolm Ahvenat“ (2002). Foto Kalju Ahvenast om peri luulõkogost „Kas mäletad?“ (1956). Luulõtuisi lugõ Urmas Kalla (2021), kink kirotõt om ka jutukõnõ vellist Ahvenist. Lembit Ahven (1916-2006) sündü Võõpson, tä vele Heino (1919-1988) ja Kalju (1921-1946) – Räpinäl. Koolitiid […]

Olavi Ruitlase võrokeelitsit luulõtuisi kogodõst “Inemise sisu” (Eesti Kostabi Selts 1998), “kaera jaan ja mister proper” (Võro Selts VKKF 1999), “Viie pääle” (Väiku välläandja 2005) ja “Eesti edulood” (Kuri Karjas 2013). Lugõ Olavi Ruitlane (2021). Foto: Jaak Urmet.

“Olkõ vakka!” (Mina Ise 2019) om Contra luulõkogo, kost või löüdä inämbüse timä võrokeelitsest luulõ- ja laululoomingust. Päält Contra hindä luulõtuisi om sääl timä tõlgit tekste eesti ja läti klassikilt, niisamatõ üts tõlgõ pikardia keele Vimeu murdõst. Lugõ Contra (2021). Kaasõpilt: Kristina Viin.    

Leila Holtsi luulõt kogost “Veere päält lauldõn” (Võro Instituut 2016). Holts om Põlva kihlkunnast Kähri küläst peri võro luulõtaja ja tõlkja, kiä eläs jo pikembät aigu Inglüsmaal Newcastle’in. Timä õkva elost peri luulõpildi sünnüse õks kodotsõn võro keelen – kuis om olla vällämaal (kirä)naanõ, kontoritüüline ja kuis mõotasõ inemist seoilma-aigsõ hädä. A vägevämbäs kõgõst korgusõ […]

Leila Holtsi luulõt kogost “Põimaja kuu all” (2005). Holts om Põlva kihlkunnast Kähri küläst peri võro luulõtaja ja tõlkja, kiä eläs jo pikembät aigu Inglüsmaal Newcastle’in. Lugõva Hipp Saar (2021) ja Eliisabet Raju (2021). Helüait and vällä ka sama raamadu mano käüvä CD, kon Leila Holtsi luuduid rahvalaululiidsi tekste kandva ette autor, Jana Kuningas, Elo […]

Voldemar Raidaru (1913-2006) om Võrolt peri kirämiis, kiä om kirotanu proosat nii suurilõ ku latsilõ ja ka luulõt. Timä 15. surma-aastapääväl 10. põimukuul 2021 ilmutas Helüait valituid pallo Raidaru võrokeelitsest loomingust. Tävveniste om Helüaita loet kogomik “Mo süämen ja meelen” (1996) kodoliina Võro latsõpõlvõaigsidõ mälehtüisiga. Viil saa kullõlda väikut valikut Raidaru võrokeelidse luulõga kogomigõst “Soneti” […]

Ain Kaalepi 95. sünnüaastapäävä puhul pand Helüait üles timä võrokeelidse luulõtusõ kogost „Haukamaa laulu´“ (Võro Selts VKKF 1999). Inämbüst luulõtuisist lugõ Pulga Jaan (2021). Mõnõ  salvõstusõ omma peri helükassetilt „Rohilinõ ruunakõnõ“ (Võro Instituut 1996) ja sarja „Kirjanike hääled“ CDlt „Maiseid maastikke“ (Eesti Kirjanduse Selts 2013), kon naid lugõ Ain Kaalep esi. Kaasõpilt: Pikne Kama.