Suurilõ

“Lugu rohiliidsi silmiga kuulmeistrist. Laulõ aastist 2010-2014” um Häniläse tõnõ õdaguvõrukiilne laulõkogu (2014), kon umma jutustava, ballaadi muudu luulõtusõ. Valikut luulõkogo pallust kand ette autor. Kaasõpilt: Häniläne. Raamatut saa lukõ Eesti Rahvusraamatukogo digitaalarhiivin Digar.

CD “Imäplaat” (Seto Ateljee Galerii 2005) Kauksi Ülle loominguga. Lugõ autor. Tä ütles plaadiümbrisse pääl nii: “Luulõtusõq 1-17 ommaq peri Kauksi Ülle luulõkogodõst “Kesk umma mäke” (1987), “Hanõ vai luigõ” (1989), “Jyriyy (1991), “Käänüpäiv” (2003). Tekstiq 18-26 ommaq 2002. aasta keväjä luudu naistõ pudruriitusõ jaos Elo Liivi härgütüsel.

“Aknõ kyigi raamega” anti vällä nii helükassetin ku CD pääl (Võro Instituut 2002). Üten pundin omma Pulga Jaani jutu ja tunnõt autorilaulõ ja traditsionaalõ kavõri Pulga Jaani sõnnuga. Helüait and kullõmisõs õnnõ taa välläandõ jutu. Helü võtt üles Jaan Tamm.

“Pini hind. Pulga Jaani mõnusa jutuq” om lintkassett (Võro Instituut 1998), kon autor Pulga Jaan lugõ ummi juttõ, miä kõnõlõsõ inemisest, nigu tä paistus pini silmi korgusõlt. Autor ütles kassetiümbrisse pääl, et mõnikõrd om inemiselgi pini silmin “pini hind”. Pulga Jaani eräkogost peri kaasõpildi pääl om Pulga Jaan ummi pinnega.

“Naksikõsõq” om lintkassett Juhan Jaigi võrokeelidse loominguga (Võro Instituut 1999). Lugõva Ervin Org, Kalev Kudu ja Jan Rahman. Parmupilli mäng Tuuli Otsus. Jutu “Inne ja perän tuisopühhä” ja luulõtusõ “Valgõ kivi” om Jaik esi võro keelen kirotanu; luulõtusõ “Võromaa” ja jutu “Esä surm” om ümbre pandnu Kauksi Ülle ja jutu “Siku Madis ja naksikõsõq” Jan […]

“Rohiline ruunakõnõ” om lintkassett võrokeelitse kirändüsega (Võro Instituut 1996) 8 autorilt: Artur Adson, Ain Kaalep, Kauksi Ülle, Raimond Kolk, Madis Kõiv ja Aivo Lõhmus, Jaan Lattik ja Edgar Allan Poe (ümbre pandnu Kauksi Ülle ja Neeme Kahusk). Luulõtuisi ja proosat lugõva Merle Jääger, Riho Kütsar, Ain Mäeots ja Tarmo Männard.

“Imä, õeq!” om lintkassett Jaan Lattiku loominguga (Võro Instituut 1996). Lugõva Merle Jääger, Indrek Kalda ja Riho Kütsar. Viiolit mäng Indrek Kalda. Kirändüse valõ vällä Tõnu Tender, toimõndiva Marju Kõivupuu ja Tõnu Tender, helü võtt üles Jaan Tamm ja kaasõkujondusõ tekk Markus Kasemaa.

Võrokõnõ Kõivu Madis oll füüsik, filosuuf ja kiränik. Timä 90. sündümise päävä meelenpidämises 2019. aastaga 5. detsembril loiva kats võrokõist, Saarõ Evar ja Kalla Urmas, aparaadile ette mõnõ hindävalit võrokeelidse jupikõsõ Madisõ loomingust.